අවසන් ආසාදිතයින් 14 දෙනා බංග්ලාදේශයේ රැඳී සිට මෙරටට පැමිණි ලාංකිකයින් වන බව රජයේ ප්‍රවෘත්ති දෙපාර්තමේන්තුව සඳහන් කරයි.

ඒ අනුව මෙරට කොරෝනා ආසාදිතයින් ගණන 1749 ක් දක්වා ඉහළ ගියේය.

ඊයේ දිනයේ දී කොවිඩ් නයින්ටීන් රෝගීන් 66 දෙනෙක් වාර්තා වී තිබේ.

ඊයේ දිනයේ වාර්තා වූ සෙසු රෝගීන්ගෙන් 31 දෙනෙකු නාවික හමුදා සාමාජිකයින් බව සෞඛ්‍ය අමාත්‍යාංශය පවසයි.

ඉන් 19 දෙනෙකු මුලන්කාවිල් නිරෝධායන මධ්‍යස්ථානයෙන්, සිව් දෙනෙකු කන්දකාඩු නිරෝධායන මධ්‍යස්ථායෙන් තවත් සිව් දෙනෙකු මිහින්තලය නිරෝධායන මධ්‍යස්ථානයේ රැදී සිටින අය බව සඳහන්.

අනෙක් නාවික හමුදා රෝගීන් සිව්දෙනා නිරෝධායනයට ලක්වෙමින් සිටි අය බව සෞඛ්‍ය අමාත්‍යාංශය සඳහන් කළේය.

ඊයේ දිනයේ වාර්තා වූ රෝගීන් අතර කටාර්හි සිට පැමිණ අම්පාර නිරෝධායන මධ්‍යස්ථානයේ සිටි පුද්ගලයින් 19 දෙනෙකු සහ කුවේට්හි සිට පැමිණ මින්නේරිය සහ ත්‍රීකුණාමලය නිරෝධායන මධ්‍යස්ථානවල සිටි පුද්ගලයින් දෙදෙනෙකු වන බව සඳහන්.

ඒ අනුව මේ වන විට පුද්ගලයින් 902 දෙනෙකු රෝහල්වල ප්‍රතිකාර ලබමින් සිටින අතර පුද්ගලයින් 836 දෙනෙකු පූර්ණ සුවය ලබා රෝහල්වලින් පිටව ගොස් ඇති බවයි වාර්තා වෙයි.

WP2Social Auto Publish Powered By : XYZScripts.com