කොළඹ සහ තදාසන්න ප්‍රදේශවල මාර්ගයේ ඇතිවන රථවාහන තදබදය අවම කිරිම සඳහා ප්‍රමුඛතා මංතීරු නීතිය බලාත්මක කිරිමට ශ්‍රී ලංකා පොලිසිය ඊයේ දිනයේ සිට කටයුතු යොදා තිබේ.

කොරෝනා වෛරස් ව්‍යාප්තියෙන් පසු ජනාධිපතිතුමාගේ උපදෙස් පරිදි වාහන තදබදය අවම කිරිම සඳහා යළි බලාත්මක කෙරෙනු මෙම මංතීරු නිතිය තුළ ශ්‍රී ලංකා ගුවන් හමුදාව විසින් පොලිසියේ සහය සඳහා විශේෂ ඩ්‍රෝන මෙහෙයුමක් දියත් කර තිබෙනවා.

ඒ අනුව කොළඹ නගරයට ප්‍රධාන පිවිසුම් මාර්ග ලෙස සැලකෙන රාජගිරිය, නුගේගොඩ, බොරැල්ල සහ ගාලු පාර ආවරණය වන පරිදි ශ්‍රී ලංකා ගුවන් හමුදාව ඩ්‍රෝන යානා 04ක් උපයෝගී කර ගනිමින් නිරීක්ෂණ කටයුතු වල යෙදී සිටියි.

මෙම ඩ්‍රෝන යානා මගින් මාර්ග තදබදයට අදාළව ලබා ගන්නා තොරතුරු එසැණින් පොලිසිය වෙතට ලබාදීමට පියවර ගනු ලබන බවයි ශ්‍රී ලංකා ගුවන් හමුදාව පවසන්නේ.

WP2Social Auto Publish Powered By : XYZScripts.com