ලොව පුරා සිදුවූ කොරෝනා මරණ සංඛ්‍යාව අද(05) අලුයම 2.00ට පමණ 250 000 සීමාව පසු කළේය.

මේ වනවිට ලොව පුරා රෝගින් මිලියන 3.59ක් වාර්තා වී ඇත.

පසුගිය පැය 24 තුළ පමණක් මරණ 3 914ක් සහ අළුතින් රෝගීන් 75 646ක් තහවුරු කර තිබේ.

දැනට පවතින නිල දත්ත වලට අනුව මිලියන 1.1ක ජනතාවක් රෝගයෙන් සුවය ලබා ඇත.
මෑත කාළයේ සිදු වූ මරණ සහ ආසාදිතයන් බොහොමයක් උතුරු ඇමරිකාව හා යුරෝපීය රටවලින් වාර්තා වන නමුත් ලතින් ඇමරිකාව, අප්‍රිකාව සහ රුසියාවේ ආසාදිතයින් සංඛ්‍යාවන් ද ඉහල යමින් පවතී.

2018 වසරේ සරම්ප රෝගයෙන් ලොව පුරා 140 000ක පමණ ජනතාවක් මියගිය බවට ඇස්තමේන්තු කර ඇති අතර කොරෝනා මරණ සංඛ්‍යාව එය පහසුවෙන් පසුකර ගිය ලෝක සෞඛ්‍ය සංවිධානය පවසයි.

ඉන්ෆ්ලුවැන්සා වැනි රෝගාබාධවලින් වසරකට ලෝකයේ මරණ මිලියන 3-5ත් අතර සංඛ්‍යාවක් සිදුවන බවද ඔවුහු පෙන්වා දෙති.

කෙසේ වුවද 1918 වර්ෂයේ ලොව පුරා මිලියන 500ක පමණ ජනතාවකට ආසාදනය වූ ස්පාඤ්ඤ උණ රෝගයට වඩා කොරෝනා රෝගයේ ආසාදිතයින් සංඛ්‍යාව බෙහෙවින් අඩු බවත් එහිදී අවම වශයෙන් ආසාදිතයින්ගෙන් 10%ක් පමණ මියගිය බවත් සඳහන් වේ.

ලෝක සෞඛය සංවිධානය පවසන්නේ මේ දිනවල කොරෝනා රෝගයෙන් ලොව පුරා මරණ අනුපාතය 1% – 2% දක්වා අඩු වී ඇති බවයි.

එසේ වුවද මරණ අනුපාතය රටින් රටට බෙහෙවින් වෙනස්කම් පෙන්වන බවද ඔවුහු සඳහන් කරති.
මේ වනවිට වැඩිම මරණ අනුපාතය වාර්තා වන්නේ බෙල්ජියමෙන් වන අතර එය 16%කි. බ්‍රිතාන්‍ය 15%ක් ද ඉතාලිය 14%ක් ද ඇමරිකා එක්සත් ජනපදය 6%ක් ද ඇල්ජීරියාව 10%ක් ද වෙයි.

නවසීලන්තයේ සහ ඕස්ට්‍රේලියාවේ මරණ අනුපාතය 1%කි.

WP2Social Auto Publish Powered By : XYZScripts.com